“Patay sa pinusilay” |
| Posted: 31 Dec 2010 05:18 AM PST Friday, December 31, 2010 NAPATAY sa kapolisan atol sa engkwentro ang armadong tawo nga nasakpan nga nagdala og mga syringe nga gituohang alang sa paggamit og nubain atol sa checkpoint sa kapulisan sa Parian police station sa Brgy. Lorega San Miguel, dakbayan sa Sugbo sa miaging gabii. Usa ka .357 magnum revolver ug mga syringe nga gituohang gigamit sa pagtusok sa nubain nasakmit sa kapulisan gikan sa motorsiklo nga gimaneho ni Junifer Talisic Pepito, taga Lataba, Liloan, Cebu. Ang ginukdanay nagsugod sa New Imus Road hangtud nga misulod sa dalan F. Villa ug milapos sa MJ Cuenco avenue diin didto na nahitabo ang pinusilay pasado alas 9 sa milabayng gabii. Si Pepito napatay human maigo sa dughan ug ulo dihang giingong nakigpinusilay kanila ni PO1 Christopher Cuizon, field training program, ug PO2 Marvin Sanson. Si Pepito giingong unang nipusil kang Cuizon hinungdan nga gibawsan sa pulis. Siya sakay sa itom nga XRM motorcycle ug adunay tulo ka nagkalainlaing mga plaka nga gisapawsapaw. Ang niangkon nga nakapusil kaniya mao si Cuizon. Si SPO4 Alex Dacua ug mga kaubanan sa Homicide Section nagkanayon nga si Inspector Pepito Pelostratos uban sa iyang mga kauban sa Presento Uno sa Parian nipahigayon og check point sa dalan Imus, atbang sa usa ka punerarya. Nasigpatan sa kapulisan si Pepito uban sa laing kauban nga sakay sa motorsiklo distansya sa ilang nahimutangan. Apan kalit lang nga nilayat sa motorsiklo ang backrider ni Pepito ug nidagan palayo sa nag-checkpoint nga mga pulis. Si Pepito nga maoy nagmaniho nisuway usab unta sa pagbalik sa iyang agi paingon sa norte, apan nabantayan siya sa kapolisan ug nagunitan. Sa dihang nagunitan na si Pepito, gihiling sa kapolisan ang U-box sa iyang motorsiklo ug didto nakita ang lima ka mga syringe. Pagkakita ni Pepito nga nasakpan ang syringe nga gisulod sa box, ingon man ampule sa nubain, nikalit kini og lugnot gikan kang Sanson ug nidagan paingon sa interior portion sa F. Villa hangtod nga nilapos sa MJ Cuenco. Sila si Sanson ug Cuizon ang daling migukod ug gisugat si Pepito pinaagi sa pag-agi sa laing dan. Ila kining nasugatan sa MJ Cuenco. Unang nibunot og armas si Pepito ug gipusil makaduha si Cuizon, kinsa wa maigo. Si Cuizon mibawos sa pagpusil ug naigo si Pepito. Nasakmit sa kapolisan sa crime scene ang duha ka mga .357 revolver uban sa duha ka mga kabhang ug laing tulo ka mga bala ug tulo usab ka mga empty shell gikan sa armas ni Cuizon. Wa madakpi sa kapulisan ang kauban ni Pepito nga naka-eskapo. Si Dacua niingon nga nisamot ang pagduda sa kapolisan sa pagkatawo ni Pepito tungod sa tulo ka mga plate numbers nga gibutang sa motorsiklo nga iyang gimaniho ug sa mga syringe nga napalgan sulod sa iyang gisakyan. Mga plate numbers naglakip sa YT 1384 ug IJ 9501. Ang lawas ni Pepito unang gidala sa St. Francis Funeral Homes, apan nianang buntag adunay nagpaila nga kabanay, nikuha sa patay ug gidala sa Maturan Funeral Homes sa Liloan. (Joy F. Tumulak & Pearl Jade G. Bello, USJ-R Intern Sun.Star Superbalita) Gipatik sa mantalaang SuperBalita Cebu Enero 01, 2011. This entry passed through the Full-Text RSS service — if this is your content and you're reading it on someone else's site, please read our FAQ page at fivefilters.org/content-only/faq.php |
| You are subscribed to email updates from Content Keyword RSS To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment