“Namusil napatay sa pulis” |
| Posted: 24 Feb 2011 05:01 AM PST Thursday, February 24, 2011 USA sa duha ka mga tawo nga namusil ang napatay sa miresponding pulis human nila gipusil ang usa ka lalaki sa alas 2 sa hapon niadtong Miyerkules. Ang pagpamusil nahitabo sa Purok Mirasol apan gigukod sila sa pulis nga miresulta sa pagkatumba sa wa mailhing suspetsado didto sa Purok Waling-waling, Barangay Baguio Proper, distrito sa Baguio, siyudad sa Davao. Si Senior Police Officer 1 Dennis Dumandan sa Baguio Police Station nagbutyag sa iyang spot report nga unang gipusil sa mga suspek si Sanito Daya, hamtong ang pangidaron, minyo ug nagpuyo sa Purok Mirasol. Matud ni Dumandan nga ang duha ka mga lalaki kalit miabot Sa paghiabot sa mga suspek sa gitingdogan ni Daya, mikanaug sila dayon ug gipusil ang biktima tumong sa iyang tuong batiis. Mga suspek wa nagdahum nga dunay pulis nga naniid sa palibot mao nga yano silang misakay sa ilang motorsiklo, apan dihang nakapadagan na sila, gipahunong sila ni PO3 Reynaldo Selerio. Sanglit misukol ang mga suspek, gipusil ni Selerio ang angkas niini hinungdan nga natumba ang motorsiklo nga ilang gisakyan. Maayong pagkaigo sa angkas niini nga miresulta sa iyang kamatayon, apan nakaikyas ang kauban nga maoy nagmaneho sa ilang get away motorcycle. Si Daya, human sa hitabo, daling gidala sa Baguio Community Hospital samtang ang napatay nga suspek gidala sa Angel Funeral Homes. Nakuha sa kapulisan gikan sa napatay nga suspek ang duha ka basiyo sa bala sa armas ug .45 kalibre nga pistola nga dunay buhing bala nga gihuptan sa suspek. Ang namatay atua karong gihaya sa Angel Funeral Homes sa Calinan. Hangtud sa pagsuwat ning balita, wa pay bisan usa ka kabanay sa namatay ang mipakita didto sa punerarya dihang gisusi kagahapon sa Superbalita. Ang kapulisan naningkamot sab karon nga mailhan ang mga suspek kinsa migamit sa motorsiklo nga gipanag-iyahan sa gobyerno. (Alger Dura) Gipatik sa mantalaang SuperBalita Davao Pebrero 25, 2011. This entry passed through the Full-Text RSS service — if this is your content and you're reading it on someone else's site, please read our FAQ page at fivefilters.org/content-only/faq.php |
| You are subscribed to email updates from Content Keyword RSS To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment